ردا على ما جاء من اتهامات خطيرة في التقرير الذي نشرته قناة “SEVEN NEWS” الأسترالية عشية اليوم اتهمت من خلاله عددا من لاعبي المنتخب التونسي للميني فوت بسرقة أحذية من أحد المحلات الأسترالية المختصة في بيع الملابس الرياضية قام لاعب المنتخب التونسي للميني فوت عمر نصري بنشر فيديو عبر حسابه الرسمي على موقع التواصل الاجتماعي “فايسبوك” اليكم ما جاء فيه …
(نتعمد صياغة ما جاء على لسان اللاعب بالدارجة التونسية لأن اللغة العربية لا تحتمل) :
“السلام عليكم سمعنا كيفكم بحكاية الايقافات و المنتخب التونسي فيه 3 جورات موقفين يبحثو … هاذوما ال 14 ملاعبي ملمومين لكلنا في البيت يوريك اللي الكلام اللي قاعد يتقال الكلو ما فماش منو … اللي صار أنو مشينا ل”Grande Surface” رئيس البعثة قاللنا كل ملاعبي عندو مبلغ معين باش يدخل ياخو … دخلنا نقيسو في السبيدريات و ظاهرلي تنجمو تشوفو في الفيديو ما فما حتى واحد قاعد يسرق و الا يخبي في مريول و الا سبيدري و الا أي حاجة لا تحت سروالو لا تحت مريولو لا حتى شيء … اللي صار هو أنو أحنا ندورو في ال”Store” خرجو ملاعبي منا لبرا و صوروه لبرا و قالو قاعد يسرق “Alors que ” أحنا قاعدين نقيسو و نستناو في رئيس البعثة هو اللي باش يخلص … ظاهرلي في العالم الكل ما فما حتى عبد يسرق سبيدري و يخرج يحوس بيه في ال “Mall” و فوق هذا الكل ظاهرلي في أستراليا ماناش في بلاد أخرى عندهم العناوين متاعنا و عندهم أسامي لولاد بالواحد بالواحد و “les visas” متاعنا … كان جات فما أي حاجة راهو توقفنا جمعية كاملة و الا أي واحد عمل حاجة … فما 32 كاميرا في ال” STORE” كان جات فما حاجة و الا واحد منا سرق و خبا و جا خارج راهو صوروه بالواضح … هوما “Juste” صورونا في ال “STORE” قاعدين نقيسو في الصبابط و الملاعبي اللي صوروه لبرا خرجوه لبرا و استجوبوه لبرا قعدو يحكيو معاه و بحكم ماكانش عندو عامل اللغة ما كانتش فما “Communication” و هذا اللي صار واكاهو” !!!!!!!!!!!!!
حمد الله يا ربي شبعانين و ما تربيناش عالسرقة ..ماذابينا إلي يسمع خبر يثبت فيه قبل ما يهزو كيما هو !
Gepostet von Omar Nasri am Dienstag, 8. Oktober 2019
